10-12 шілдеде Атырау қаласында қазақстандық өндірушілерге арналған "Халықаралық мұнай-газ машина жасауды дамыту орталығы" қауымдастығының форумы мен ашық есік күндері өтті. Бұл іс-шара ірі операторлар сатып алатын мұнай-газ жабдықтары мен тауарларына, жергілікті қамтуды дамытуға және отандық өндірушілерді қолдауға арналды. 

Форумда энергетика вице-министрі Әлібек Жамауов, Атырау облысы әкімінің орынбасары Марат Мурзиев және операторлардың бас директорлары: Кевин Лайон («ТШО»), Джанкарло Рую («НКОК»), Марко Марсили («КПО») құттықтау сөз сөйледі, сондай-ақ зауыттар мен қызмет көрсетушілердің жүзден астам өкілдері, соның ішінде Bolashak Group-та қатысты. 

Мәселелерді талқылау барысында өнімдердің сапасына және ТШО, НКОК және КПО тарапынан тендерлік рәсімдерге қойылатын талаптар түсіндірілді; жеткізушілердің мүдделерін қолдау бойынша нұсқаулық берілді; жергілікті қамтуды сақтауда бастамалар көтеріліп, өз жұмыстарының нәтижелерін ұсынды, ал қатысушылар ЖҚ-ды дамыту бойынша сұрақтарын жолдады.