Мұнай-газ саласындағы кадр біліктілігін арттыру және адами капиталды басқару ынтымақтастығын дамыту шеңберінде 23 тамызда Ақтау қаласында PetroHR 2024: «Адам – қуаттың қайнар көзі» атты форумы өтті. «ҚазМұнайГаз» АҚ қолдауымен бұл шараның ұйымдастырушысы Petroсouncil одағы болды. Іс-шара жетекші мұнай-газ операторларының топ-менеджментін және мемлекеттік органдар мен мұнай сервистік компаниялардың өкілдерін біріктірді. 

Жасанды интеллектті пайдалану мен HR-басқаруды цифрландыру, Қазақстандағы мұнай химиясы мен полиэтилен өндірісі, компаниялардағы дағдарысқа қарсы бағдарламалар, мұнай-газ саласындағы кадрлық әлеуетті дамыту мен басқарудағы негізгі бағыттар мен жаңа трендтер, және басқа да көптеген мәселелер талқыланды. 

Тәжірибе мен идеялар алмасу аясында аса маңызы бар стратегиялық сессия түрлі компаниялардың мамандарын біріктірді. Қазақстан мұнайының 125 жылдығына арналған форум соңында өткізілген квиз  - HR мамандарына еліміздің, сонымен қатар әлемдік мұнай алыптарының тарихы жөнінде өз білімі мен эрудициясын көрсетуге мүмкіндік берді. 

Қазақстанның батыс аймақтары үшін осындай маңызды шараның қатысушысы ретінде мүмкіндік бергені үшін Petrocouncil-ге, барлық серіктестерге және Dunga Operating GmbH бас демеушісіне алғыс білдіреміз.