Жастарды дамытуға бағытталған бастамаларды қолдау аясында біздің компания С. Өтебаев атындағы Атырау мұнай және газ университеті ұйымдастырған Summer Industrial School бағдарламасына қатысты. Бұл үш апталық бағдарлама еліміздің әр өңірінен және таяу шетелдегі мұнай-газ бағыттары бойынша оқитын, сонымен қатар геология, автоматтандыру және мұнай сервисі секілді профильдік мамандықтардағы ЖОО студенттерін жинады. 

Студенттер мен МГФ профессоры Кәрімова Ақмарал Сафиуллина біздің кеңсеге келіп, Bolashak Group-тың қызметі, оның миссиясы мен құндылықтары, компаниямызда тағылымдамадан өту мүмкіндіктері жайында ақпарат алды. Негізгі академиялық оқумен қатар, мамандар ретінде өздерін одан әрі дамытуға көмектесетін қосымша дағдыларды алу қаншалықты маңызды екендігін түсінді. Кездесудің маңызды сәттерінің бірі кеңсені аралау болды. Бөлімдердің менеджерлері мен директорлары студенттерді қарсы алып, оларды әр бөлімнің алдында тұрған міндеттерімен таныстырып, өз тәжірибелерімен бөлісті. Bolashak Group-ты Атырау өңірінің ірі өндірістік компанияларымен қатар осындай маңызды және қажетті бағдарламаға қатысуға шақырғаны үшін С. Өтебаев атындағы Атырау мұнай және газ университетінің ректоры Гүлзада Шакуликова бастаған ұжымға алғысымызды білдіреміз. Жұмыс берушілердің ашықтығы мен ақпараттылығы студенттерге жұмыстың ерекшеліктерін жақсы түсінуге көмектесіп, оларды одан әрі кәсіби шыңдауға жетелейді деп сенеміз. 

Кездесу соңында қонақтарымыз өздерін қызықтырған сұрақтарға жауап алып, оларға шағын корпоративтік сыйлықтар табысталды. 

Барлық студенттерге оқуын табысты аяқтауды және дипломдық жұмыстарын жақсы қорғауды тілейміз. Біз оларды өз жобаларымызда күтеміз.