29 тамызда Атырау қаласында өткен Қазақстан мұнайының 125 жылдығына орайластырылған "Топ-75 рейтингі" атты іс-шарасы мұнай-газ саласындағы ең ықпалды 75 адамның тізімін ұсынды. Болашақ-Атырау және SEFtec Global Training компанияларының Бас Директоры Нсанбаева Алма Мұратқызының осы тізімге еніп, саланы дамытуға қосқан үлесі үшін Энергетика Министрлігінің медалімен марапатталғанын мақтанышпен хабарлаймыз.

"Новус Болашақ" серіктесіміздің қолдауымен «Қазсервис» мұнай сервистік компаниялары одағы ұйымдастырған іс-шара мұнай өнеркәсібінің негізгі жетекшілерінің рөлін атап қана қоймай, алдағы перспективаларды талқылау алаңына айналды. Сондай-ақ, Болашақ-Атыраудың кәсіби кадрларды оқытуға және дамытуға қосқан үлесі үшін марапатқа ие болғанын қуана хабарлаймыз. Біздің еңбегіміз бен сапаға деген ұмтылысымыздың жоғары бағаланғанын мақтан тұтамыз.

Іс-шараға ірі мұнай-газ операторларының топ-менеджерлері, мемлекеттік органдар мен мұнай сервистік компанияларының өкілдері қатысты. Осындай маңызды шараны ұйымдастырған «Қазсервис» ұжымына алғысымызды білдіреміз. Бұл марапат бізді жаңа табыстар мен жетістіктерге шабыттандыратынына кәміл сенеміз.