Сондай-ақ өңірдегі негізгі жобаларды іске асыруға қатысатын компаниялар мен адами капиталды басқару саласында заманауи шешімдер ұсынатын HR-платформалар салалық диалогқа атсалысты.

Білікті мамандарды жұмылдыру мен оларды сақтап қалу, жастарды дамыту мен кадрлық резерв қалыптастыру, корпоративтік мәдениетті нығайту мен көшбасшылықты қамтамасыз ету саланың негізгі әрі әлі де өзекті мәселелерінің бірі болып қала береді.

Біз үшін форум әріптестермен тәжірибе алмасуға, еңбек нарығының қажеттіліктері мен оның бүгінгі қиындықтарын талқылауға мүмкіндік берді. Bolashak Group жергілікті мамандардың кәсіби құзыреттері мен еліміздің кадрлық әлеуетін нығайтуға өз үлесін қосуды жалғастыра береді.

Компаниямыздың HR-директоры Малика Кемелханованың Қазақстанның мұнай-газ саласындағы ТОП-20 HR-көшбасшысының қатарына енгенін тағы бір мәрте атап өткіміз келеді.