Форум қатысушылары өндірістік нысандарды тұрақты әрі қауіпсіз пайдалану мәселелерін, техникалық қызмет көрсету және жөндеу, жабдықтардың жағдайын бағалау, инспекциялық және инженерлік жұмыстар, сондай-ақ өндірістің үздіксіз жұмысын қамтамасыз етуге бағытталған цифрлық шешімдерді талқылады.

Қазақстандық сервистік нарықты дамытуға және жергілікті компаниялардың ірі мұнай-газ жобаларына қатысуына да ерекше назар аударылды. Bolashak Group инженерлік-техникалық мамандарды кешенді ұсыну мен басқару, QA/QC бағытындағы шешімдер, іске қосу-баптау жұмыстары мен мамандарды оқыту бойынша өз тәжірибесі мен мүмкіндіктерін таныстырды.

Мазмұнды бағдарлама, саланың өзекті сұраныстарын тікелей естуге, әріптестер мен серіктестермен бір алаңда кездесуге мүмкіндік бергені үшін PetroCouncil ұжымына алғыс білдіреміз.