Мамандарды іріктеу бөлімінің өкілдері Айнур Давлетова мен Алтынай Акылбек түйіндеме дайындау, сұхбатқа әзірлену және алғашқы жұмыс іздеуде жасанды интеллектіні пайдалану жолдарын түсіндірді. Нақты мысалдар арқылы неге назар аудару керектігін және қандай қателіктерден сақтанған жөн екенін атап өтті.

Болашақ жас мамандар жаттығу сұхбаттарынан өтіп, түйіндемесін жақсарту әрі жұмыс берушіге өзін таныстыру бойынша практикалық кеңестер алды. Сондай-ақ оларға Bolashak Group рекрутерлері дайындаған арнайы ЖИ промптары ұсынылды.

Қауіпсіздікке қатысты Near Miss тақырыбы да талқыланды. Түрлі қауіптер мен жазатайым оқиғаға әкелуі мүмкін жағдайлар туралы хабарлаудың маңызы түсіндірілді. Өндірістегі жұмыс үлкен жауапкершілікті талап етеді, сондықтан қауіпті уақытында байқап, ол туралы айта білу әдетін колледжден бастап қалыптастыру қажет.

Студенттерге еңбек жолында сәттілік тілейміз! Таңдаған мамандықтарыңыз бойынша білімдеріңізді тиімді қолданып, тәжірибе жинауға мүмкіндік көп болсын!

Сенім білдіріп, болашақ мамандармен тәжірибе бөлісуге мүмкіндік бергені үшін APEC Petrotechnic басшылығына алғыс айтамыз.